برطانوی وزیراعظم کیئر اسٹارمر نے بھارت کےلیے ویزا قوانین میں نرمی سے انکار کردیا۔
غیر ملکی میڈیا کے مطابق برطانوی وزیراعظم سر کیئر اسٹامر آج 2 روزہ دورے پر بھارت پہنچے ہیں جہاں گورنر اور وزیراعلیٰ مہاراشٹرا نے ان کا استقبال کیا۔
برطانوی وزیراعظم کے اس دورے میں برطانوی کاروباری افراد کا ایک وفد بھی ان کے ہمراہ ہے جو تجارتی معاہدے کو آگے بڑھانے پر بات کرے گا جب کہ کیئر اسٹامر کی ممبئی میں نریندر مودی سے بھی ملاقات ہوگی۔
بھارت پہنچنے سے قبل صحافیوں کی جانب سے جب برطانوی وزیراعظم سے بھارت سے متعلق ویزا پالیسی کے حوالے سے سوالات کیے گئے تو انہوں نے کہا کہ برطانیہ بھارت کے ساتھ ویزا معاہدے کی طرف نہیں بڑھے گا اور موجودہ قوانین لاگو رہیں گے۔
سرکیئر اسٹارمر نے کہا کہ ویزوں کا معاملہ اس منصوبے کا حصہ نہیں ہے اور ہم پہلے سے طے شدہ تجارتی معاہدے سے فائدہ اٹھانے کے لیے آئے ہیں۔
