ممبئی: فینز اس وقت حیران رہ گئے جب سوشل میڈیا پر بالی وڈ اداکارہ مہیما چوہدری اور سینیئر اداکار سنجے مشرا کی شادی کی افواہیں گردش کرنے لگیں۔
بھارتی میڈیا کے مطابق ان افواہوں نے اس وقت زور پکڑا جب ایک حالیہ ویڈیو نے سوشل میڈیا پر دھوم مچائی اور مداحوں کو حیران اور کنفیوز کر دیا۔
ویڈیو میں اداکارہ مہیما چوہدری کو دلہن کے روپ میں سرخ ساڑھی پہنے دیکھا گیا، جبکہ سنجے مشرا روایتی شلوار قمیض اور ویسٹ کوٹ پہنے نظر آ رہے ہیں۔
مختصر ویڈیو میں مہیما فوٹوگرافرز سے کہتی ہیں کہ’ آپ شادی میں نہیں آ سکے، لیکن مٹھائی تو کھا لیجیے’۔
ان کے اس جملے نے مداحوں کے تجسس کو مزید بڑھا دیا اور افواہیں سچ ہوتی دکھائی دینے لگیں کہ مہیما نے سنجے مشرا سے شادی کر لی ہے۔
تاہم، اس ویڈیو کے پیچھے کی حقیقت کچھ اور ہی ہے۔
بھارتی میڈیا کے مطابق دراصل مہیما اور سنجے مشرا اپنی آنے والی فلم “دُرلپ پرساد کی دوسری شادی” کی تشہیر کررہے تھے۔
اس فلم کی ہدایت کاری سدھانت راج نے کی ہے، اور مہیما چوہدری اور سنجے مشرا اس میں ایک شادی شدہ جوڑے کا کردار ادا کر رہے ہیں۔
بھارتی میڈیا کے مطابق شادی کے مناظر صرف پروموشنل مقصد کے لیے ترتیب دیے گئے تھے، دونوں اداکاروں نے حقیقی شادی نہیں کی۔
