پی ایس ایل،کرائوڈ میں جانے والی گیند میدان میں دوبارہ استعمال نہیں ہوگی

 کراچی(آئی این پی) پی ایس ایل 6 میں کورونا کیسز نے پی سی بی کو مزید سخت اقدامات پر مجبور کردیا جب کہ کراوڈ میں جانے والی گیند میدان میں دوبارہ استعمال نہیں ہوگی۔پی سی بی کا کہنا ہے کہ  ایونٹ کی ساکھ کو بچانا پی سی بی کی ذمہ داری ہے،ہم اس ضمن میں ہر ممکن کوشش کررہے ہیں،کچھ اضافی اقدامات بھی اٹھارہے ہیں۔ترجمان پی سی بی کا  کہنا تھا  کہ نیشنل اسٹیڈیم کا گراونڈ اسٹاف گلوز لازمی پہنے گا،ان کے ساتھ براڈ کاسٹنگ کریو میں شامل 100سے زائدافراد کے ٹیسٹ بھی کروا لیے گئے ہیں۔ انہوں نے کہا کہ کراوڈ میں جانے والی گیند میدان میں دوبارہ استعمال نہیں ہوگی،اگر کوئی اندر پھینک دی جاتی ہے تو سینیٹائر کی جائے گی،بہرحال مشکل ترین حالات ہیں،پوری دنیا ان مسائل کا سامنا کررہی ہے، بائیو ببل میں رہنا کسی کیلیے بھی آسان نہیں،پوری دنیا میں اسپورٹس ایونٹس اسی طرح کے حالات سے گزرہے ہیں،ہم بھی فرنچائزز کی ہر ممکن مدد اور رہنمائی کررہے ہیں تاکہ کھیل کا جوش وجذبہ اور معیار برقرار رہے اور اسی انداز میں مکمل ہو۔پی سی بی کا کہنا ہے کہ  ایونٹ کی ساکھ کو بچانا پی سی بی کی ذمہ داری ہے،ہم اس ضمن میں ہر ممکن کوشش کررہے ہیں،کچھ اضافی اقدامات بھی اٹھارہے ہیں۔ترجمان پی سی بی کا  کہنا تھا  کہ نیشنل اسٹیڈیم کا گراونڈ اسٹاف گلوز لازمی پہنے گا